პროფესორი, დოქტორი ლევან იზორია

2020 წლიდან საქართველოს საგანგებო და სრულუფლებიანი ელჩი გერმანიის ფედერაციულ რესპუბლიკაში.

ლევან იზორიამ 1996 წელს წარჩინებით დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი.

1998-1999 წლებში მიიღო გერმანიის ქ. გიოტინგენის გეორგ-აუგუსტის სახელობის უნივერსიტეტის იურიდიული ფაკულტეტის მაგისტრის ხარისხი უმაღლესი შეფასებით.

2002 წელს მიენიჭა ქ. გიოტინგენის გეორგ-აუგუსტის სახელობის უნივერსიტეტის იურიდიული ფაკულტეტის დოქტორის ხარისხი უმაღლესი შეფასებით.

2003-2004 წლებში იყო გერმანიის კონრად ადენაუერის სახელობის პოლიტიკური ფონდის წარმომადგენელი სამხრეთ კავკასიაში, 2004-2006 წლებში – შსს-ს აკადემიის რექტორი.

2006 წელს არჩეულ იქნა საქართველოს უნივერსიტეტის პროფესორად და დაინიშნა ამავე უნივერსიტეტის იურიდიული ფაკულტეტის დეკანად.

2007-2016 წლებში იკავებდა პროფესორის აკადემიურ თანამდებობას საქართველოს სხვადასხვა უნივერსიტეტში. მათ შორის იყო მკვლევარი შპაიერის გერმანული საჯარო ადმინისტრაციის კვლევით ინსტიტუტში (ჰუმბოლდტის ფონდის სტიპენდია), მკვლევარი ჰაიდელბერგის საზღვარგარეთის ქვეყნების საჯარო სამართლისა და საერთაშორისო სამართლის მაქს-პლანკის ინსტიტუტში.

2012-2015 წლებში იყო საქართველოს შინაგან საქმეთა მინისტრის მოადგილე.

2015-2016 წლებში – საქართველოს სახელმწიფო უსაფრთხოების სამსახურის უფროსის მოადგილე.

2016–2019 წლებში საქართველოს თავდაცვის მინისტრი.

2019-2020 წლებში საქართველოს დაზვერვის სამსახურის უფროსი და ეროვნული უსაფრთხოების საბჭოს მდივანი.ჰყავს მეუღლე და სამი შვილი.

ავტორი: ლევან იზორია

ISBN 9789941308581