განახლების თარიღი: 06/07/2023
წინამდებარე დაბრუნების და გარანტიის პოლიტიკა განსაზღვრავს საიტზე შეძენილი პროდუქტის დაბრუნების და გარანტიის პირობებს.
წინამდებარე დოკუმენტი (დაბრუნების და გარანტიის პოლიტიკა) წარმოადგენს vovovo.ge ვებგვერდით სარგებლობის წესებისა და პირობების განუყოფელ ნაწილს, რომელიც არის ორმხრივი მავალდებულებელი დოკუმენტი.
ნივთის დაბრუნების პირობები
ნივთის დაბრუნება შესაძლებელია ნებისმიერი მიზეზით მისი მიღებიდან 14 კალენდარული დღის ვადაში, გარდა იმ შემთხვევისა თუ:
- მიწოდებული ნივთის ფასი დამოკიდებულია ფინანსურ ბაზარზე არსებულ ცვლილებაზე, რომელსაც ნივთის გამყიდველი ვერ აკონტროლებს და რომელიც წარმოიშვა დაბრუნებისთვის გათვალისწინებული ვადის განმავლობაში;
- ნივთი დამზადებულია მომხმარებლის ინდივიდუალური შეკვეთით ან აშკარად მის პირად საჭიროებებზეა მორგებული;
- ნივთი მალფუჭებადია ან მას მოკლე ვარგისიანობის ვადა აქვს;
- ნივთი იყო ჰერმეტულად დაცული, მისი ჰერმეტულობა მიწოდების შემდეგ დაირღვა და, ამდენად, ნივთის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
- მიწოდებული ნივთი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;
- მიწოდებულ იქნა დალუქული აუდიო-ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;
- მიწოდებულ იქნა ჟურნალ-გაზეთები ან სხვა სახის პერიოდული გამოცემა.
- ნივთის ფასი არ აღემატება 30 (ოცდაათი) ლარს.
იმ შემთხვევაში თუ ნივთი არ არის პირვანდელ მდგომარეობაში ან არ არის წარმოდგენილი თანმხლებ დოკუმენტებთან ერთად, თქვენ დაგიბრუნდებათ ნივთში გადახდილი ღირებულების ნაწილი. დასაბრუნებელი ღირებულების ოდენობა განისაზღვრება ნივთის მდგომარეობის შეფასების შედეგად.
ჩვენ შესაძლოა უარი ვთქვათ ნივთის დაბრუნებაზე გამონაკლისის ან/და სხვა გარემოების გამო. ჩვენ დაუყონებლივ გაცნობებთ აღნიშნულის თაობაზე.
ნივთის დაბრუნების პირობები
ნივთის დაბრუნების სურვილის შემთხვევაში მოთხოვნა უნდა დააფიქსიროთ ნივთის მიღებიდან 14 (თოთხმეტი) კალენდარული დღის განმავლობაში.
მოთხოვნის დაფიქსირებისთვის უნდა მოგვმართოთ თქვენთვის მისაღები საკომუნიკაციო არხის გამოყენებით:
- ელ. ფოსტა: info@vovovo.ge
ნივთის დაბრუნების მოთხოვნის დაფიქსირებისთვის საჭიროა წარმოადგინოთ შემდეგი ინფორმაცია: შეკვეთის თარიღი, შეკვეთის მიღების თარიღი, მომხმარებლის სახელი, მომხმარებლის მისამართი, ანგარიშის ნომერი სადაც უნდა მოხდეს თანხის დაბრუნება.
მომხარებელი ვადებულია კომპანიას დაუბრუნოს საქონელი, ნივთის უკან დაბრუნებაზე შეტყობინების გაგზავნის შემდეგ დაუყოვნებლივ მაგრამ არა უგვიანეს 7 კალენდარული დღისა. ამ ვადის გასვლის შემდეგ მომხარებელი კარგავს საქონლის უკან დაბრუნების უფლებას.
დაბრუნების შემთხვევაში მომხარებელმა ნივთის მოწოდება უნდა განახორციელოს შემდეგ მისამართზე: თბილისი, შანდორ ფეტეფის # 4. უკან დაბრუნების დრო 11:00 – 18:00 სთ. (შაბათ – კვირის გარდა).
მომხარებელი ვალდებულია გასწიოს საქონლის უკან დაბრუნების ხარჯი გარდა იმ შემთხვევისა, როცა ნივთის დაბრუნების მიზეზი არის ქარხნული წუნი, ან თუ იგი არ შეესაბამება შეკვეთას.
ნებისმერი შემთხვევაში ნივთის დაბრუნების დროს დასაბრუნებელი ღირებულება ჩაგერიცხებათ დაბრუნების მოთხოვნაში მითითებულ საბანკო ანგარიშის ნომერზე.
ნივთის დაბრუნება, მაშინ როცა მას აღმოაჩნდა ქარხნული წუნი ან იგი არ შეესაბამება მითითებულ მახასიათებლებს:
გთხოვთ, შეკვეთის ჩაბარებისას ყურადღებით შეამოწმოთ ნივთი და დარწმუნდეთ, რომ იგი ფიზიკურად უნაკლოა და შეესაბამება თქვენს შეკვეთას. შეკვეთის ჩაბარებით თქვენ ადასტურებთ, რომ მიიღეთ ფიზიკურად უნაკლო ნივთი, რომელიც შეესაბამება თქვენს შეკვეთას. თუ შეკვეთის მიღების შემდეგ აღმოაჩენთ, რომ ნივთს აქვს ქარხნული წუნი ან/და სხვა ტიპის ფარული ნაკლი, თქვენ გაქვთ უფლება მოგვმართოთ მისი დაბრუნების მოთხოვნით. თქვენ სარგებლობთ იგივე უფლებით, იმ შემთხვევაშიც როცა ნივთს არ აქვს ვებ-გვერდზე განთავსებული მახასიათებლები.
ქარხნული წუნის შემთხვევაში ჩვენ შეიძლება დაგვჭირდეს შესაბამისი სერვის ცენტრისთვის მიმართვა, რომელიც გამოიკვლევს ნივთს და გასცემს დასკვნას. იმ შემთხვევაში, თუ ნივთის ქარხნული წუნი დადასტურდა ნივთი დაექვემდებარება დაბრუნებას ან ვიმოქმედებთ ნივთზე გაცემული კომერციული გარანტიის შესაბამისად (ასეთის არსებობის შემთხვევაში).
კომერციული გარანტია
კომერციული გარანტია გულისხმობს მოვაჭრის ან მწარმოებლის (გარანტიის გამცემის) მიერ, კანონისმიერი გარანტიის(ხელშეკრულებასთან შესაბამისობის უზრუნველყოფის ვალდებულების) გარდა, მომხმარებლის სასარგებლოდ დამატებით და უსასყიდლოდ ნაკისრი გადახდილი ფასის ანაზღაურების, საქონლის შეცვლის, შეკეთების ან მომსახურების სხვა ვალდებულებებს.
კომერციული გარანტიის პირობები (ხანგრძლივობა, მოქმედების ტერიტორია, მოთხოვნის ხანდაზმულობის ვადა, მოვაჭრის სახელი და მისამართი) თითოეულ საქონელზე არის ინდივიდუალური და მომხმარებელს ინფორმაცია მიეწოდება ინდივიდუალუარდ.
კომერციული საგარანტიო პირობები არ ვრცელდება საქონელზე თუ:
- გასულია საგარანტიო ვადა
- თუ ნივთს აღენიშნება მექანიკური, ან წყლის მიერ გამოწვეული დაზიანება
- პროდუქტის კომპლექტაცია არ არის წარმოდგენილი სრულყოფილად
- პროდუქტის დაზიანება გამოწვეულია ელექტრო გაუმართაობით
- ნივთი შეკეთებულია ან “გახსნილია” თვითნებურად, ან არაოფიციალურ სერვისცენტრებთან.
- ნივთი დაზიანდა მესამე პირის მიერ არასწორი მონტაჟის ან ჩართვის დროს. არ იქნა გათვალისწინებული სამომხმარებლო ინსტრუქციაში არსებული საექსპლუატაციო პირობები